"bis ? waduh jan ora ngerti je di..lah kok kono malah ngerti nek okeh, kok itung po ?"
"enjih dhe, kula wau rak liwat mergi kilen bale deso niko, gek trus ngidul. sik madep ngilen onten kaleh, sik madep ngaler onten pitu nopo wolu. dadose onten sedoso nek mboten klentu..."
"wehlah , rame...ning jan ura ngerti tenan aku,,lah aku kawit mau esuk wis mrene gek yo urung muleh, rekane nyengkakke gawean iki sisan rampung, wong sisuk arep tak tinggal lungan. lah mau awakmu kok ura mampir gek takon wong sing dho neng kono ?"
"mboten onten sedherek sik ten dalan, gek mau malah mung gumun leh ngetung bis kok okeh, jan irit-iritan tekan ngarep mesjid. nopo onten acara ten mesjid nggih ?"
"lah mesjid ngenengke opo meneh yo ? saben-saben kok saiki acara mesjid dadi meriah, mengko gek mung panggone wae neng mesjid, lah kono rak ono pendapane tur yo jembar tur gasik-kemrisik.lah cubo mengko nek ono sik liwat kene, gek didhang ditakoni. "
"ura dhi, tanduranmu lombok kidul kae kok ampuh, jan nyenengke, tur uleh rego yo ? uwite jan leh landhung, gene nggonku dul kulon kae kok garing, godhonge dho garing nglinthing. jan ra gelem urip , lah wingi yo tak gawakke rabok barang malah.."
"rumiyin taneman panggenan kulo njeh ngaten niku dhe, nanging saksampunipun onten tanduran mangrove ten kidul niko, tanduran kula lan kiwo tengen dados luwih tahan lan saged gesang sae, mboten kenging angin lan toyo, dados kelindukan ngaten dhe.."
"iyo je dhi, lah kae siki tanduran malah dho lemu-lemu tur linduk, ra koyo kulon kae,,po yo pancen bener ananne tanduran mangrove kuwi keno kanggo tedeng angin.
lah ngomongke mangrove , po bis-bis mau ngangkut sederek adoh dho kegiatan neng mangrove, koyo sing uwis-uwis ?"
"lah mbok bilih ngaten niku. tur yo biasane menawi wonten tamu dho nandur mangrove meniko kok masyarakat kirang dipun ajak ngih ? nopo kulo mawon engkang mboten mangertos ?
kolo mben niko malah wonten tamu saking pundi-pundi, rombongan ngagem kendaraan mobil motor dumugi kidul, ning nggih kulo yo mboten nyedak, mengke mundah malah ngrusuhi mergani nggeh mboten ngerti acarane pisan..karone maleh rak pun diurusi kaleh pemuda pemudi mriki."
"lha iyo dhi, kene mono masyarakat sing penting mung ndelok wae, sukur bage sing dho ditindakke tamu-tamu mau sisuk ono manfaate tumrap masyarakat. ning yen diundang aku dewe yo bakal teko, yo urun-urun gawe jugangan go nandur mangrove, raketung mung limang paculan..."
...............
ura le, sedino mau kok kowe ura ngewangi bapak neng sawah, lungo ngendi nganti jam surup kok agi muleh ?
neng ngupak melu, kerja bakti ro pemuda, ro ndampingi tamu seko ugm, mahasiswa kehutanan ugm. lah mau wis pamit ro simbok barang, po simbok ra ngomong ?
lah urung pethuk mbokmu. ooo...tamu ugm to ?... dadi bis-bis sing dikandakke lek mu mau sing ngangkut? mulane kok jarene nganti pirang-pirang.
lah iyo, mau awan ki, acarane neng mesjid pertemuan penjelasan ro pemuda ro pihak desa, bar kuwi bubar rolasan trus dho neng mangrove. observasi sisan nandur mangrove. ukeh lho pak,
sekitar wong telung atus, jan meriah. gek tekan sure kok agi dho bali bubar.
lha kok rano ngundang masyarakat, sedino mau bapak ro lekmu rak yo neng sawah kidul kono, ngomongke bis-bis mau. neng yo njur tak tinggal gulek iwak neng suwangan kono,
ngono we malah angine jan bantere pol
walah diundang yo dho ra teko, diumumke neng mesjid yo paling ra teko. lah bapak ki iso diarani mewakili sebagian besar masyarakat kene to ? wis diumumke nek ono aksi
nandur mangrove, yo dho ra isoh teko, paling-paling mung siji po loro. la gek sing ben dinone garap bubakan, sik ben dinone ngarit neng kono wae mung liwat thok, ra gelem ewang-ewang. paling-paling mung takon,
tamu ko ngenti mas? rep dho nandur bakau po? ono snack ke ra ki ?
yo piye kesibukanne petani ki ukeh je, tur meneh rung ketok je hasile ki.
yo rano pak tanduran ditandur kok langsung ono hasile, ngrampok bank ngono cetho, langsung dadi duit. pari wae ditandur yo kudu ngenteni telung sasi je.
tur meneh masyarakat kene ki yo ngono kuwi, nek rano hasil go awakke dewe sengoro gelem ewang-ewang. lah padahal nek tanduran mangrove kae dadi gedhe gek jembar, kan iso
dadi pelindung angin, pelindung abrasi, pelindung gelombang. dadine sawah tegal neng lor e isoh digarap. petani dho rasah gawe bethek seko blarak, po seko godhong gedhang.
lah durung-durung we wis dho takon hasile. padahal nek jenneng mangrove ki go urip wae butuh wektu suwe, opo meneh hasile. urung malah wis ono sing dho dirempele go ramban kewan,
dirempeli go kayu. lah nek dho butuh kayu, mbesisir kae ukeh, kayu kelen, rep nggowo pirang-pirang truk angger kuwat we. piro boro dho melu njogo wit sing ditandur, malah ono je
we malah mulang aku, lah aku ki bapakmu j ? yo ra mulang. lah mau takon opo manfaate. tur meneh nek gelem dho ngrumangsani, mergo mangrove kae , rak yo secara tidak langsung masyarakat dikepenakke ro dibantu to pak ?
seko soyo ukeh tamu sik berkunjung, sekitare mangrove dadi ukeh iwak ro kroyo, ro manuk. nek dho ra di rayah. dalam dadi jembar, dadi dalan cor-block sik disik angger udan
mblekuk raiso diliwati, dadi dho iso ngingu kramba, gawe kulam grameh, nila, ukeh wong dho mancing. mung kuwi mau khan sifate umum, kemasyarakatan, yo pancene rung isoh
nek arep go butuhe pribadi..
yo wis lah arep adus bapak, malah ra mudeng ngrungoke omonganmu, takon sithik kok kokehan ceramah. cah cilik kok ngandani...................
0 comments:
Post a Comment